Stretch Marks: ಹೆರಿಗೆಯ ಬಳಿಕ ಸ್ಟ್ರೆಚ್ ಮಾರ್ಕ್ಸ್ ಹೋಗಲಾಡಿಸಲು ಈ ಮನೆಮದ್ದು ಟ್ರೈ ಮಾಡಿ!
ಹೆರಿಗೆಯ ಬಳಿಕ ಹೊಟ್ಟೆಯ ಮೇಲೆ ಹಾಗೆಯೇ ಉಳಿದುಕೊಳ್ಳುವ ಸ್ಟ್ರೆಚ್ ಮಾರ್ಕ್ಸ್ ಕೆಲವರಿಗೆ ಮುಜುಗರ ಉಂಟು ಮಾಡಿಸಬಹುದು. ಆದರೆ ಅದಕ್ಕೆ ಚಿಂತೆ ಬೇಡ. ಇಂದು ನಾವು ಹೇಳುವ ಮನೆ ಮದ್ದುಗಳ ಮೂಲಕ ಸ್ಟ್ರೆಚ್ ಮಾರ್ಕ್ಸ್ಗಳನ್ನು ಸುಲಭವಾಗಿ ಹೋಗಲಾಡಿಸಬಹುದು.
ಹೆರಿಗೆಯ ಬಳಿಕ ಹೊಟ್ಟೆಯ ಮೇಲೆ ಹಾಗೆಯೇ ಉಳಿದುಕೊಳ್ಳುವ ಸ್ಟ್ರೆಚ್ ಮಾರ್ಕ್ಸ್ ಕೆಲವರಿಗೆ ಮುಜುಗರ ಉಂಟು ಮಾಡಿಸಬಹುದು. ಆದರೆ ಅದಕ್ಕೆ ಚಿಂತೆ ಬೇಡ. ಇಂದು ನಾವು ಹೇಳುವ ಮನೆ ಮದ್ದುಗಳ ಮೂಲಕ ಸ್ಟ್ರೆಚ್ ಮಾರ್ಕ್ಸ್ಗಳನ್ನು ಸುಲಭವಾಗಿ ಹೋಗಲಾಡಿಸಬಹುದು.
ಮಗು ಹುಟ್ಟಿದ ಬಳಿಕ ತಾಯಿಯ ಖುಷಿಗೆ ಪಾರವೇ ಇರುವುದಿಲ್ಲ. 9 ತಿಂಗಳು ಹೆತ್ತು ಹೊತ್ತು ಸಾಕಿದ ಮಗುವಿನ ಮುಖ ನೋಡಿ ತನ್ನ ನೋವೆಲ್ಲವನ್ನೂ ಮರೆಯುತ್ತಾಳೆ. ಆದರೂ ಸಹ ಹೆರಿಗೆಯ ಬಳಿಕ ಸ್ವಲ್ಪ ತಿಂಗಳವರೆಗೆ ತಾಯಿಗೆ ನೋವು ಇರುತ್ತದೆ.
ಸ್ಟ್ರೆಚ್ ಮಾರ್ಕ್ಸ್ಗಳು ಪ್ರಸವಾನಂತರದ ಕೆಲವು ಬದಲಾವಣೆಗಳಲ್ಲಿ ಒಂದಾಗಿದೆ. ಗರ್ಭಾವಸ್ಥೆಯಲ್ಲಿ ಮಹಿಳೆಯರ ತೂಕ ಹೆಚ್ಚಾಗಿರುತ್ತದೆ. ಹೆರಿಗೆಯ ಬಳಿಕ ತಾಯಿಯು ತೂಕ ಕಳೆದುಕೊಳ್ಳುತ್ತಾಳೆ. ಗರ್ಭಿಣಿಯಾಗಿದ್ದಾಗ ಹೊಟ್ಟೆ ಹಿಗ್ಗುವುದರಿಂದ ಸ್ಟ್ರೆಚ್ ಮಾರ್ಕ್ಸ್ಗಳು ಕಾಣಿಸಿಕೊಳ್ಳುತ್ತವೆ. ಮಗು ಹುಟ್ಟಿದ ಬಳಿಕ ಆ ಕಲೆಗಳು ಹಾಗೆಯೇ ಇರುತ್ತವೆ.
ಈ ಕಲೆಗಳನ್ನು ಹೋಗಲಾಡಿಸಲು ಮನೆಯಲ್ಲಿ ಕೆಲವು ಮದ್ದುಗಳಿವೆ. ಈ ಮನೆ ಮದ್ದು ಟ್ರೈ ಮಾಡಿದರೆ ನಿಮ್ಮ ಹೊಟ್ಟೆಯ ಮೇಲಿನ ಚರ್ಮವು ಮೊದಲಿನಂತೆ ಮೃದು ಹಾಗೂ ಸ್ಟ್ರೆಚ್ ಮಾರ್ಕ್ಸ್ ರಹಿತವಾಗಿ ಕಾಣುತ್ತದೆ. ಅಲೋವೆರಾ ಚರ್ಮದ ಅಂಗಾಂಶವನ್ನು ಮತ್ತೆ ಉತ್ಪಾದಿಸುತ್ತದೆ ಎಂದು ಹೇಳಲಾಗುತ್ತದೆ. ಜೊತೆಗೆ ನೈಸರ್ಗಿಕ ಗುಣಪಡಿಸುವ ಗುಣವನ್ನು ಹೊಂದಿದೆ. ಹೀಗಾಗಿ ನೀವು ಅಲೋವೆರಾ ಜೆಲ್ನ್ನು ಸ್ಟ್ರೆಚ್ ಮಾರ್ಕ್ ಇರುವ ಜಾಗಕ್ಕೆ ಹಚ್ಚಿ. ಅರ್ಧ ಗಂಟೆಯ ಬಳಿಕ ಬೆಚ್ಚಗಿನ ನೀರಿನಿಂದ ತೊಳೆದುಕೊಳ್ಳಿ. ಪ್ರತಿದಿನ ಹೀಗೆ ಮಾಡಿದರೆ, ಕ್ರಮೇಣ ಸ್ಟ್ರೆಚ್ ಮಾರ್ಕ್ ಮಾಯವಾಗುತ್ತದೆ.
ಮತ್ತೊಂದು ಮನೆ ಮದ್ದು ಏನೆಂದರೆ, ತೆಂಗಿನ ಎಣ್ಣೆ ಮತ್ತು ಬಾದಾಮಿ ಎಣ್ಣೆಯನ್ನು ಸಮ ಪ್ರಮಾಣದಲ್ಲಿ ಮಿಕ್ಸ್ ಮಾಡಿ. ಬಳಿಕ ಸ್ಟ್ರೆಚ್ ಮಾರ್ಕ್ ಇರುವ ಜಾಗಕ್ಕೆ ಹಚ್ಚಿ. ನಿಧಾನವಾಗಿ ಮಸಾಜ್ ಕೂಡ ಮಾಡಿ. ಪ್ರತಿದಿನ ಈ ಮಿಶ್ರಣವನ್ನು ಹಚ್ಚುತ್ತಾ ಬಂದರೆ ಸ್ಟ್ರೆಚ್ ಮಾರ್ಕ್ ಹೋಗುವುದರಲ್ಲಿ ಅನುಮಾನವೇ ಇಲ್ಲ.
ಸರಿಯಾದ ಪೋಷಣೆ ಹಾಗೂ ತೇವಾಂಶವೂ ಸಹ ಸ್ಟ್ರೆಚ್ ಮಾರ್ಕ್ನ್ನು ತೊಡೆದುಹಾಕಲು ಇರುವ ಮಾರ್ಗಗಳಾಗಿವೆ. ಪ್ರತಿದಿನ ನೀವು ಕ್ಯಾಸ್ಟರ್ ಆಯಿಲ್ ಅನ್ನು ಸ್ಟ್ರೆಚ್ ಮಾರ್ಕ್ ಇರುವ ಜಾಗಕ್ಕೆ ಹಚ್ಚುತ್ತಾ ಬನ್ನಿ. ಇದು ಚರ್ಮದ ಮೇಲಿನ ಕಲೆಗಳನ್ನು ಹೋಗಲಾಡಿಸುತ್ತದೆ.
ನಿಂಬೆ ರಸ ಸ್ಟ್ರೆಚ್ ಮಾರ್ಕ್ಸ್ ಹೋಗಲಾಡಿಸಲು ಇರುವ ಮತ್ತೊಂದು ಮನೆ ಮದ್ದಾಗಿದೆ. ಇದರಲ್ಲಿನ ನೈಸರ್ಗಿಕ ಆಮ್ಲೀಯತೆಯು ಚರ್ಮದ ಕಂಡೀಷನರ್ ಆಗಿ ಕಾರ್ಯ ನಿರ್ವಹಿಸುತ್ತದೆ. ಇದರ ಜೊತೆಗೆ ಸೌತೆಕಾಯಿ ರಸವನ್ನು ಮಿಕ್ಸ್ ಮಾಡಿ. ಹೊಟ್ಟೆಯ ಭಾಗಕ್ಕೆ ನಿಂಬೆ ರಸ ಮತ್ತು ಸೌತೆಕಾಯಿ ರಸ ಎರಡನ್ನೂ ಮಿಕ್ಸ್ ಮಾಡಿ ಹಚ್ಚಿ. 20 ನಿಮಿಷ ಬಿಟ್ಟು ತೊಳೆಯಿರಿ.
ರಾತ್ರಿ ಮಲಗುವಾಗ ಕೋಕೋ ಬೆಣ್ಣೆಯಿಂದ ಹೊಟ್ಟೆಯನ್ನು ಮಸಾಜ್ ಮಾಡುವುದರಿಂದ ಸ್ಟ್ರೆಚ್ ಮಾರ್ಕ್ಸ್ ಕಡಿಮೆಯಾಗುತ್ತವೆ. (ಗಮನಿಸಿ: ಈ ಲೇಖನದಲ್ಲಿ ನೀಡಲಾದ ಸಲಹೆಗಳು ಸಾಮಾನ್ಯ ಮಾಹಿತಿಯನ್ನು ಆಧರಿಸಿವೆ.)
ಸಂಗ್ರಹ : ಎಸ್.ಬಿ ನೆಲ್ಯಾಡಿ
ಮೂಲ: 18
