“ಪಾಡ್ದ್ನ” (ಪಾಡ್ದ್ ನ)ಸಬ್ದನೇ ಪಾಡ್ದನ ಆತ್ಂಡ್. ಪಂಡ ಹಾಡಿದ ಅತ್ತುಡ SANG ಪನ್ಪಿನ ಅರ್ತೊಲು. ಪಾಡ್ದ್ನ ಪಾಟ್ ಪಂಡ ಹಾಡಿದ ಹಾಡು.ಪಾಟ್ ಪಂಡ ಹಾಡು ಅತ್ತುಡ SONG.ಒಂಜಿ ಪಾಟ್ ಪಾಡ್ ಪಂಡ ಒಂದು ಹಾಡು ಹಾಡು ಅತ್ತುಡ SING A SONG. ಇಂಬನ ಪಾಟ್ ಸುರು ಆಂಡ್, ಆಯನ ಅವ್ವೇ ಪಾಟ್, ಅವ್ವೇ ಪಾಡ್ ಪನ್ಪಿನ ಪಾತೆರೊಲು ತುಲು ಬಾಸೆಡ್ ಪನ್ಪುನ ಉಂಡು. ಅದೇ ಹಾಡು ಅದೇ ರಾಗ ಪನ್ಪಿನ ಲೆಕೊ.
ಕನ್ನಡ ಬಾಸೆಡ್ ಒಂದು ಹಾಡು ಹಾಡು ಪಂಡೆರೆಡ, ತೆಲುಗುಡು ಒಕ ಪಾಟ ಪಾಡ,ಮಲಯಾಲ ಬಾಸೆಡ್ ಒರು ಪಾಟು ಪಾಟ್ಟು,ತಮಿಲುಡು ಒರು ಪಾಟ್ ಪಾಡ್ ಪನ್ಪೆರ್. ಅಂಚೆನೆ ತುಲು ಬಾಸೆಡ್ ಒಂಜಿ ಪಾಟ್ ಪಾಡ್ ಪಂದ್ ಆಪುಂಡು. ಇತ್ತೆ ಒಂಜಿ ತುಲು ಸಿನೇಮಾದ ಪಾಟ್ ಕೇನ್ಲೇ.ಪಾಟ್ ಪಾಡ್ದ್ನಾರ್ ಡಾಕ್ಟರ್ ಪಿ.ಬಿ. ಶ್ರೀನಿವಾಸ್. ಸಿನೇಮಾದ ಪುದರ್ “ಕೋಟಿ ಚೆನ್ನಯ “. ಮುಲ್ಪ ಪಾಟ್ ಪಂತಿನಾರ್ ಪಂದ್ ಪನ್ಪುನು ತಪ್ಪು. ಪಾಟ್ ಪಾಡ್ನಾರ್ ಇಜ್ಜಾ ಪಾಡ್ದ್ನಾರ್ ಪಂದ್ ಆವೊಡು.
ಹಾಡು ಹೇಳಿದವರು ಎಂದಾಗದೆ ಹಾಡು ಹಾಡಿದವರು ಎಂದಾಗುತ್ತದೆ.
ಪಾಡ್ದನ ಪಂಡ ಬಜೀ ಬೂತೊಲೆ ಬೀರ(ಚರಿತ್ರೆ), ಸಂದಿ(ಅಧ್ಯಾಯ)ಲೆಗ್ ಸಂಬಂಧ ಪಟ್ಟಿನವು ಅತ್ತ್. ಅವು ಬೂತೊಲೆಗ್ ಸಂಬಂಧ ಪಟ್ಟಿನ ಬೀರ,ಸಂದಿ ಪನ್ಪಿನ ಪಾಟ್ ಆದಿಪ್ಪು, ಬೆನ್ನಿ ,ಬೇಲೆದ ಪಾಟ್ ಆದಿಪ್ಪು,ಬೂಮಿ ಅಪ್ಪೆನ ನಿಸರ್ಗದ ಪಾಟ್ ಆದಿಪ್ಪು, ರಾಜೆರೆಗ್ ಸಂಬಂಧ ಪಟ್ಟಿನವು ಆದಿಪ್ಪು.ಅವು ಪಾಡ್ದ್ನ ಪಾಟ್.ಪಂಡ ಹಾಡಿದ ಹಾಡು.ಅಂಚೆನೆ ಬೀರ ಸಂದಿ ಪಂಡ ಬಜೀ ಬೂತೊಲೆನ ಕತೆಕ್ಕ್ ಸಂಬಂಧ ಪಟ್ಟಿನವು ಅತ್ತ್.ಬೀರ ಸಂದಿ ಪಂಡ ಒವ್ವೇ ಇಸಯೊದ ಕತೆ ಇತಿಹಾಸ ಕೊರ್ಪಿನವು.ಉಂದು ಕತೆ ಚರಿತ್ರೆಗ್ ಸಮಾನವಾಯಿನ ತುಲು ಬಾಸೆದ ಸಬ್ದೊಲು ಆತೆ.
ತುಲು ಬಾಸೆಡ್ “ಪಾಡ್”ಪನ್ಪಿನ ಸಬ್ದೊನು ಕೊಡಿ ಕಡೆಲಾ ಗಲಸುನ ತೋಜುಂಡು. ಬೇತೆ ಬೇತೆ ಅರ್ತಲಾ ನಂಕ್ ತಿಕ್ಕುಂಡು.”ಆಯನ ಪಾಡ್ ಏರೆಗ್ಲಾ ಬೊಡ್ಚಿ”. ಮುಲ್ಪ ಪಾಡ್ ಪಂಡ ಬದ್ಕ್,ಬದುಕು, ಲೈಫ್ ಪಂದ್ ಆಪುಂಡು. ಗಂಜಿ ಪಾ
ಡ್,ನೀರ್ ಪಾಡ್,ತಿರ್ತ್ ಪಾಡ್, ಕಂಡೊಗು ಗೊಬ್ಬರ ಪಾಡ್…ಇಂಚ ಕೊಡಿಕಡೆಲಾ ಪಾಡ್ ಪಂಡ ಕೆಳಗೆ ಹಾಕು ಪನ್ಪಿ ಅರ್ತ ಆದುಂಡು. ಆಯೆ ಬೇಲೆ ದಾಂತೆ ಲಾಲಿ ಪಾಡೊಂದು ಉಲ್ಲೆ.ಮುಲ್ಪ ಲಾಲಿ ಪಾಡುನು ಪಂಡ ಅಂಚಿಡ್ದ್ ಇಂಚಿ,ಇಂಚಿಡ್ದ್ ಅಂಚಿ ತಿರ್ಗುನು.ಊರೂರು ಲಾಲಿ ಪಾಡೊಂದು ಉಲ್ಲೆ.ಊರೂರುಗು ಪೋಪುನು ಬರ್ಪುನು.ಅಂಚೆನೆ “ಲೇಲೇ ಪಾಡುನು” ಪಂಡ ಉರುಂಟುಗು ಸುತ್ತು ಬತ್ತ್ ಪಾಟ್ ಪಾಡ್ನ .ಅತ್ತುಡ ಬಲಿ ಬರ್ಪುನು. ಬಲಿ ಬರೊಂದು ಪಾಟ್ ಪಾಡುನು. ಪಾಟ್ ಪಾಡ್ದ್ ಸುತ್ತ ನಲಿಪುನು.”ಲೇಲೇ ಪಾಡುಗ” ಪಂಡ ಸುತ್ತುವರಿದು ಪ್ರದಕ್ಷಿಣೆ ಮಾಡುತ್ತಾ ತುಂಬಾ ಜನ ಸೇರಿ ಹಾಡು ಹಾಡುತ್ತಾ ನಲಿಯುತ್ತಾ ಗಮ್ಮತ್ತು ಮಾಡುವುದು. ಲೇಲೇ ಪಂಡ ಸುತ್ತುನು. ಪಾಡುನು ಪಂಡ ಪಾಟ್ ಪಾಡ್ದ್ ಸುತ್ತೊಂದು ನಲಿಪುನು.
ಡೆನ್ನ ಡೆನ್ನಾನ:ಈ ತುಲು ಸಬ್ದೊಗು ಇಂಚಿನನೇ ಪನ್ಪಿ ಅರ್ತ ಇಜ್ಜಿ. ಆ ಕಾಲೊಡು ಪಾಟ್ ಪಾಡ್ನಗ ಇತ್ತೆದ ಲೆಕೊ ಸಂಗೀತ(Musical instrument)ದ ಒವ್ವೇ ಅತರ್ ಇತ್ತಿಜಿ. ಪಾಟ್ ಪಾಡರೆ ಸುರು ಮಲ್ಪುನಗ ಬಾಯಿಡೇ ರಾಗೊಡು ಡನ್ ಡನ್ ಸಬ್ದೊಲೆನ್ ಕಂತುದು ಪಾಟುನ್ ಪಾಡುವೆರ್. ಗಡಿಯಾರದ ಗಂಟೆ ಡಣ ಡಣ ಆಯಿಲೆಕೊ. ಡನ್ ಡನ್ ಅಕ್ಷರದ ಸಬ್ದೊ ದಿಂಜ ದೂರ ಕೇಂದ್ ಬರ್ಪುಂಡು.ಬೇತೆ ಅಕ್ಷರೊಲೆನ್ ಗಲಸ್ಂಡ ಆ ಸಬ್ದೊ ಆತ್ ದೂರ ಕೇನುಜಿ.ಡಂ ಡಂ, ಕದೊನಿದ ಸಬ್ದೊ ,ಡಮ್ಮ ಬೂರುನ ಸಬ್ದೊ,ಡಂಗುರ ಡೋಲ್ ಸಬ್ದೊ ಇಂಚ ‘ಡ’ ಅಕ್ಷರೊನು ಪ್ರಯೋಗ ಮಲ್ತೆರ್. ಅಂಚೆನೆ ಕಂಚಿದ ಪಾತ್ರೆ ಬೂರುನಗ ಡನ ಡನ ಡನಾಲ್ ಸಬ್ದೊ ಕೇನುಂಡು. ಡನ ಡನ ಸಬ್ದೊನು ಡೆನ ಡೆನ ಡೆನ್ನಾನ ಪಂದ್ ಪನೊಂದು ಬತ್ತೆರ್. ಬೊಕ್ಕದ ಕಾಲೊಡು ಪಾಟ್ ಪಾಡರೆ ರಾಗೊಗು ಬೋಡಾಯಿನ ಅತರ್ ಬತ್ತ್ಂಡಲಾ ಮೂಲದ ಬಾಯಿಡ್ ಬರೊಂದು ಇತ್ತಿನ ಡನ ಡನ ಡನ್ನಾನ ಡೆನ್ನಾನ ಅಕ್ಷರೊಲು ಸಬ್ದೊ ಆದ್ ಒರಿಂಡ್.
“ಪಾಡ್ದ್ನ” (ಹಾಡಿದ)ಸಬ್ದೊನು ಪಾಡ್ದನ,ಪಾರ್ದನ ಪನ್ಪಿ ಉಚ್ಚಾರೊಡು ಲೆತೊಂದು ಬತ್ತೆರ್. ನನಾತ್ ಉಲಾಯಿ ಪೋದು ನಾಡ್ಂಡ “ಪಾಡ್ದನ” ಪನ್ಪುನ ಸಬ್ದೊ ಪ್ರಶ್ನಾರ್ಥಕ ಪದ ಪಂದ್ ಪನ್ಪುಂಡು.ಹಾಡಿದ್ದೀಯಾ ? ಪನ್ಪಿ ಅರ್ತ ಆಪುಂಡು. ಅಂಚಾದ್ ಪಾಡ್ದನ,ಪಾರ್ದನ ಸಬ್ದೊಲು ಉಚ್ಚಾರೊಡು ತಪ್ಪು ಆಯಿ ಲೆಕೊ ತೋಜುಂಡು.”ಪಾಡ್ದ್ನ” (ಪಾಡ್ನ, ಪಾಡ್ದ್ ನ-ಹಾಡಿದ) ಸಬ್ದೊನೇ ಸರಿ ಆದುಂಡು.
ಐ.ಗೋವಿಂದ ಭಂಡಾರಿ, ಕಾರ್ಲ
(ನಿವೃತ್ತ ವಿಜಯಾಬ್ಯಾಂಕ್ ಮ್ಯಾನೇಜರ್)
Mobile:9632562679
