ಬೇಕಾದ ಸಾಮಾಗ್ರಿ:
ಅಕ್ಕಿ-1/2 ಕಪ್
ಹೆಸರು ಬೇಳೆ-1/2 ಕಪ್
ಬೆಲ್-1/2 ಕಪ್
ಅರ್ಧ ಚಮಚ ಏಲಕ್ಕಿ
ಚಿಟಿಕೆಯಷ್ಟು ತಿನ್ನುವ ಕರ್ಪೂರ
ತುಪ್ಪ -2-3 ಚಮಚ
ಒಣದ್ರಾಕ್ಷಿ -8-10
ಗೋಡಂಬಿ – 8-10
ಲವಂಗ-2
ತೆಂಗಿನಕಾಯಿ ಚಿಕ್ಕದಾಗಿ ಕತ್ತರಿಸಿದ್ದು 1/4 ಕಪ್ (ಕಡ್ಡಾಯವಲ್ಲ)
ಮಾಡುವ ವಿಧಾನ:
1. ತಳ ದಪ್ಪವಿರುವ ಸ್ವಲ್ಪ ದೊಡ್ಡ ಪಾತ್ರೆಯನ್ನು ಬಿಸಿ ಮಾಡಿ ಅದಕ್ಕೆ 1 ಚಮಚ ತುಪ್ಪ ಹಾಕಿ ಅದರಲ್ಲಿ ತೊಳೆದ ಹೆಸರು ಬೇಳೆ ಹಾಕಿ, ಹೆಸರು ಬೇಳೆಯಿಂದ ಪರಿಮಳ ಬರುವವರೆಗೆ ಫ್ರೈ ಮಾಡಿ. ಈಗ ಅದೇ ಪಾತ್ರೆಗೆ ಅಕ್ಕಿಯನ್ನು ತೊಳೆದು ಹಾಕಿ ನಂತರ 3 ಕಪ್ ನೀರು ಹಾಕಿ ಅಕ್ಕಿ ಚೆನ್ನಾಗಿ ಬೇಯಿಸಿ (ಕುಕ್ಕರ್‌ನಲ್ಲಿ ಬೇಕಿದ್ದರೆ ಬೇಯಿಸಬಹುದು).
2. ಮತ್ತೊಂದು ಪಾತ್ರೆಯಲ್ಲಿ ಬೆಲ್ಲದ ಪಾಕ ತಯಾರಿಸಿ.
3. ಅನ್ನ ಮತ್ತು ಬೇಳೆ ಚೆನ್ನಾಗಿ ಬೆಂದ ಬಳಿಕ ಬೆಲ್ಲದ ಪಾಕವನ್ನು ಅನ್ನದ ಪಾತ್ರೆಗೆ ಸುರಿಯಿರಿ. ಏಲಕ್ಕಿ ಜಜ್ಜಿ ಹಾಕಿ. ಬೆಲ್ಲ ಮಿಶ್ರ ಮಾಡಿದ ಅನ್ನ ಕುದಿ ಬರಲಾರಂಭಿಸಿದಾಗ ಉರಿಯಿಂದ ಇಳಿಸಿ.
4. ಇದೀಗ ಮತ್ತೊಂದು ಪ್ಯಾನ್‌ ಬಿಸಿ ಮಾಡಿ, ಅದಕ್ಕೆ ತುಪ್ಪ ಹಾಕಿ. ತುಪ್ಪ ಬಿಸಿಯಾದಾಗ ಲವಂಗ ಹಾಕಿ ನಂತರ ಒಣ ದ್ರಾಕ್ಷಿ, ಗೋಡಂಬಿ, ಕರ್ಪೂರ ಹಾಕಿ 2 ನಿಮಿಷ ಫ್ರೈ ಮಾಡಿ ಪೊಂಗಲ್‌ಗೆ ಹಾಕಿ, ನಂತರ ತೆಂಗಿನ ಕಾಯಿಯ ಚಿಕ್ಕ-ಚಿಕ್ಕ ತುಂಡುಗಳನ್ನು ತುಪ್ಪದಲ್ಲಿ ಹುರಿದು ಸೇರಿಸಿದರೆ ಪೊಂಗಲ್ ರೆಡಿ.
– ಪ್ರತಿಭಾ ಭಂಡಾರಿ, ಹರಿಹರಪುರ
