ನನ್ನ ಹುಡುಗ - ಭಂಡಾರಿವಾರ್ತೆ

ನಸುನಗುತಿರುವ

ಕುಡಿಮೀಸೆ ಹುಡುಗ;

ನನ್ನ ಹೃದಯ

ವೀಣೆ ಮೀಟಿದವ..

ಪಿಸುಮಾತಿನಲಿ

ಮನ ಸೋಲಿಸುವ;

ನನ್ನ ಹುಡುಗ;ಕಣ್ಣಲ್ಲೇ

ಸಂಭಾಷಣೆ ಮಾಡುವವ.

ಹಿಂಬಾಲಿಸಿ ಬರುವುದಿಲ್ಲ

ಮನದ ಹಿಂಬಾಲಕನಾಗಿರುವನಲ್ಲ

ಮಾತಂತೂ ಸವಿಬೆಲ್ಲ,

ಮೆತ್ತನೆ ಕಚಗುಳಿಯಿಡುವನಲ್ಲ..

ಕೋಪವ ತರಿಸಿ,ನಾಸಿಕವ

ಹಿಂಡುವನು ಮೆಲುವಾಗಿ;

ಸೊಂಟ ಬಳಸಿ ಮುದ್ದಾಡುವನು ಮಗುವಾಗಿ..

ನಿನ್ನ ಜೊತೆ ಕಳೆವ ಕ್ಷಣಗಳು ಮಧುರ;

ನಿನ್ನ ಜೊತೆಯೇ ಇರಬೇಕೆಂಬುದು ನನ್ನ

ಮನದ ಕಾತರ…

✍ ನಾಗಶ್ರೀ ಭಂಡಾರಿ, ಮೂಡುಬಿದಿರೆ

0 thoughts on “ನನ್ನ ಹುಡುಗ”

0 thoughts on “ನನ್ನ ಹುಡುಗ”