ಪಯಣ
ಪಯಣವು ಸ್ನೇಹವಾಗುವುದು
ಮೌನದ ದಾರಿ ಒಂಟಿಯಾದಾಗ
ಕವನವು ಪ್ರೀತಿಯಾಗುವುದು
ಕನಸು ದಾರಿ ಹಿಡಿದಾಗ
*******
ಸಂಯಮ
ಆತುರತೆಯ ಅಮಲಿನಲ್ಲಿ
ಸಂಯಮ ಕಳೆದುಕೊಳ್ಳಬೇಕಿಲ್ಲ
ಮಧುರ ಬಾಂಧವ್ಯದಲ್ಲಿ
ನಂಬಿಕೆ ಇಲ್ಲದ ಬಾಳು ಬಾಳಲ್ಲ
******
ಮಗು
ಅರುಳು ಮರುಳು ನೀನು ಬರಲು
ಮನವಾಗಿದೆ ಮೌನದ ಸಂತೆ
ಜೀವನಪೂರ್ತಿ ಜೊತೆಗೆ ಇದ್ದರೆ
ನಾನಾಗಿರುವ ಮಗುವಂತೆ
******
ನೆನಪು
ಕಾಣದ ಒಂದು ಕಡಲು
ಕಣ್ಣೀರಿಗದು ಒಡಲು
ಮಳೆ ಹನಿಯ ಚೆಲ್ಲಿ
ಒಲವು ಅವಳಲ್ಲಿ
ಪ್ರೀತಿಯ ನೆನಪಲ್ಲಿ
ಕವನದ ನೆಪದಲ್ಲಿ
********
ಕವನ
ಕವನವೊಂದು ಬರೆದಿರುವೆ ನಿನಗಾಗಿ
ಕನಸಲ್ಲಿ ಕಾಡುವೆ ಮಧುರವಾಗಿ
ಕಾಣಿಸದೆ ಓಡುವೆ ಏಕೆ?
ಕಲ್ಪನೆಯಲ್ಲೇ ಕಾಯುವೆ ಹಾಯಾಗಿ
********
ಪ್ರೀತಿ
ನಯವಾಗಿ ವಿನಂತಿಸುವೆ
ಸುಳಿಯಬೇಡ ನನ್ನ ಮುಂದೆ
ಏಕೆಂದರೆ ಮತ್ತೆ ಪ್ರೀತಿಗಾಗಿ
ಬರುವೆ ನಿನ್ನ ಹಿಂದೆ
********
✍: ದೀಕ್ಷಿತ್ ಭಂಡಾರಿ, ಉಜಿರೆ
