ಬೆಳಗಾವಿ ಕುಂದದ ಇತಿಹಾಸ ಗೊತ್ತೇ? ಇದನ್ನು ನೀವು ಮನೆಯಲ್ಲಿಯೇ ಸುಲಭವಾಗಿ ತಯಾರಿಸಬಹುದು ಗೊತ್ತಾ?

ನೀವು ಬೆಳಗಾವಿಗೆ ಹೋದಾಗ ಅಲ್ಲಿಯ ಪ್ರಸಿದ್ಧ ಸಿಹಿತಿಂಡಿ ಯಾವುದು ಎಂದು ಕೇಳಿದರೆ ಬೇಕರಿಯವರು ಕುಂದ ಹಾಗೂ ಕರದಂಟು ಎಂದು ಹೇಳುತ್ತಾರೆ, ಈ ಸ್ವೀಟ್‌ಗಳ ರುಚಿ ಇಷ್ಟವಾಗದವರೇ ಇರಲ್ಲ ಅಷ್ಟೊಂದು ರುಚಿಯಾಗಿರುತ್ತದೆ.

ಅದರಲ್ಲೂ ಕುಂದ ಸ್ವೀಟ್‌ ಬಾಯಿಗೆ ಹಾಕಿದರೆ ಅದರ ರುಚಿಗೆ ಕರಗಿ ಹೋಗಿಬಿಡುವಿರಿ. ನೀವು ಇದುವರೆಗೆ ಟೇಸ್ಟ್‌ ಮಾಡಿಲ್ಲ ಎಂದಾದರೆ ಬೆಳಗಾವಿ ಕಡೆ ಹೋದಾಗ ಅಥವಾ ಅಲ್ಲಿಯ ಫ್ರೆಂಡ್‌ ಇದ್ದರೆ ತಪ್ಪದೆ ತರಿಸಿ ಸವಿಯಿರಿ. ಇಲ್ಲದಿದ್ದರೆ ನಾವು ಇಲ್ಲಿ ನೀಡಿರುವ ರೆಸಿಪಿಯಂತೆ ಟ್ರೈ ಮಾಡಿ ನೋಡಿ.

ಈ ಸಿಹಿ ತಿಂಡಿ ಯಾವಾಗ ಮೊದಲು ಕಂಡು ಹಿಡಿಯಲಾಯಿತು?

ಈ ಸಿಹಿ ತಿಂಡಿಯನ್ನು ಬೇಕರಿಯವರು ಸೇರಿ 19ನೇ ಶತಮಾನದಲ್ಲಿ ಕಂಡು ಹಿಡಿದರು ಎಂದು ಹೇಳಲಾಗುವುದು. ಈ ಸಿಹಿತಿಂಡಿ ಬೇಗನೆ ಪ್ರಸಿದ್ಧಿ ಪಡೆಯಿತಿ. ಬೆಳಗಾವಿಯಲ್ಲಿ ಯಾವುದೇ ವಿಶೇಷ ಸಮಾರಂಭವಿರಲಿ ಈ ಕುಂದ ಇದ್ದೇ ಇರುತ್ತದೆ, ಕುಂದ ಎಂಬುವುದು ಬೆಳಗಾವಿಯ ಸಿಹಿ ತಿಂಡಿ ಎಂಬುವುದಾಗಿ ಗುರುತಿಸಲ್ಪಟ್ಟಿದೆ.

ಮಣ್ಣಿನ ಮಡಿಕೆಯಲ್ಲಿ ನೀಡಲಾಗುವುದು’

ಈ ಸಿಹಿ ತಿಂಡಿಯನ್ನು ಸಾಮಾನ್ಯವಾಗಿ ಮಣ್ಣಿನ ಮಡಿಕೆಯಲ್ಲಿ ನೀಡಲಾಗುವುದು. ಬೆಳಗಾವಿಗೆ ಯಾರಾದರೂ ಹೋದರೆ ಅಲ್ಲಿಯ ವಿಶೇಷ ಸ್ವೀಟ್‌ ಆಗಿ ಇದನ್ನು ನೀಡುತ್ತಾರೆ. ಕುಂದ ಬೆಳಗಾವಿಯಲ್ಲಿ ಮಾತ್ರವಲ್ಲ ದೇಶದಲ್ಲಿಯೇ ಪ್ರಸಿದ್ಧಿಯನ್ನು ಪಡೆಯುತ್ತಿದೆ, ಹೊರದೇಶದಲ್ಲಿರುವ ಕೆಲವು ಭಾರತೀಯ ರೆಸ್ಟೋರೆಂಟ್‌ಗಳಲ್ಲಿಯೂ ಕುಂದ ಸಿಗುವುದು.