ಪ್ರತಿಯೊಬ್ಬರ ಹೊಟ್ಟೆಯಲ್ಲಿಯೂ ಹುಳ ಇದ್ದೇ ಇರುತ್ತದೆ. ಅದರಲ್ಲೂ ಪುಟ್ಟ ಮಕ್ಕಳಿಗೆ ಈ ಹುಳದ ಸಮಸ್ಯೆ ಹೆಚ್ಚು ಇರುತ್ತದೆ. ಕೆಲವೊಮ್ಮೆ ಹುಳ ಗುದದ್ವಾರದಿಂದ ಹೊರಗೆ ಬರುವುದೂ ಇದೆ.
ಹುಳುಗಳು ಕರುಳಿನಲ್ಲಿ ವಾಸಿಸುವ ಮತ್ತು ಮಗುವಿನ ಆಹಾರದಿಂದ ಪೋಷಣೆಯನ್ನು ಪಡೆಯುವ ಪರಾವಲಂಬಿಗಳಾಗಿವೆ. ಜಂತುಹುಳುಗಳು ಮಕ್ಕಳಲ್ಲಿ ಹೊಟ್ಟೆ ನೋವಿನ ಕಾರಣಗಳಲ್ಲಿ ಒಂದಾಗಿದೆ. ಈ ಸೋಂಕುಗಳು ಸಾಮಾನ್ಯವಾಗಿರುವುದರಿಂದ, ವಿವಿಧ ರೀತಿಯ ಹುಳುಗಳು ಮಗುವಿಗೆ ಚಮಸ್ಯೆಯನ್ನುಂಟು ಮಾಡುತ್ತವೆ. ಮಕ್ಕಳಲ್ಲಿ ಹುಳದ ಸಮಸ್ಯೆ ಇದೆ ಎನ್ನುವುದನ್ನುಕಂಡುಹಿಡಿಯುವುದು ಹೇಗೆ ಹಾಗೂ ಅದರ ಲಕ್ಷಣಗಳು ಯಾವುವು ಅನ್ನೋದನ್ನು ನೋಡೋಣ.
ಟೇಪ್ ವರ್ಮ್
ಚಪ್ಪಟೆ ಹುಳುಗಳು ಎಂದೂ ಕರೆಯಲ್ಪಡುವ ಟೇಪ್‌ವರ್ಮ್‌ಗಳು ಕೊಕ್ಕೆಗಳನ್ನು ಹೊಂದಿದ್ದು ಅವು ಕರುಳಿಗೆ ಸೇರಿಕೊಳ್ಳುತ್ತವೆ ಮತ್ತು ಭಾಗಶಃ ಜೀರ್ಣವಾಗುವ ಆಹಾರದ ಮೇಲೆ ಸಂತಾನೋತ್ಪತ್ತಿ ಮಾಡುತ್ತವೆ. ಒಂದು ಟೇಪ್ ವರ್ಮ್ ಕೆಲವು ಇಂಚುಗಳಷ್ಟು ಅಥವಾ 40 ಅಡಿ ಉದ್ದವಿರಬಹುದು. ಮಕ್ಕಳು ಸಾಮಾನ್ಯವಾಗಿ ಅವುಗಳನ್ನು ಕಲುಷಿತ ಆಹಾರದ ಮೂಲಕ ಸೇವಿಸುತ್ತಾರೆ.
ದುಂಡಾಣು ಹುಳುಗಳು
ರೌಂಡ್ ವರ್ಮ್ ಟೊಳ್ಳಾದ ಆಕಾರದಲ್ಲಿರುತ್ತವೆ ಮತ್ತು 35 ಸೆಂ.ಮೀ ಉದ್ದದಲ್ಲಿ ಬೆಳೆಯಬಹುದು. ದುಂಡಾಣು ಹುಳುಗಳು ಉಪ್ಪುನೀರು, ಮಣ್ಣು ಮತ್ತು ಶುದ್ಧ ನೀರಿನಲ್ಲಿ ವಾಸಿಸುತ್ತವೆ ಮತ್ತು ಸಾಮಾನ್ಯವಾಗಿ ಸಾಕುಪ್ರಾಣಿಗಳ ಮೂಲಕ ಮನುಷ್ಯರಿಗೆ ಹರಡುತ್ತವೆ.
ಪಿನ್‌ವರ್ಮ್‌
ಪಿನ್‌ವರ್ಮ್‌ಗಳು, ಥ್ರೆಡ್‌ವರ್ಮ್‌ಗಳು ಎಂದೂ ಕರೆಯಲ್ಪಡುತ್ತೇವೆ. ಇವು ಗುದನಾಳದಲ್ಲಿ ವಾಸಿಸುವ ಸಣ್ಣ, ತೆಳುವಾದ ಮತ್ತು ಬಿಳಿ ಹುಳುಗಳಾಗಿವೆ. ವ್ಯಕ್ತಿಯು ನಿದ್ರಿಸಿದಾಗ, ಹೆಣ್ಣು ಹುಳು ಗುದದ ಪ್ರದೇಶದಲ್ಲಿ ಮೊಟ್ಟೆಗಳನ್ನು ಇಡುತ್ತದೆ. ಇದು ತುರಿಕೆಗೆ ಕಾರಣವಾಗುತ್ತದೆ. ಮಗು ಅದನ್ನು ತುರಿಸಿದಾಗ ಆ ಮೊಟ್ಟೆಗಳು ಮಗುವಿನ ಬೆರಳುಗಳಿಗೆ ವರ್ಗಾಯಿಸಲ್ಪಡುತ್ತದೆ.
ಈ ಮೊಟ್ಟೆಗಳು ಬಟ್ಟೆ, ಬೆಡ್ ಮತ್ತು ಟಾಯ್ಲೆಟ್ ಸೀಟ್‌ಗಳ ಮೇಲೆ ಇರುತ್ತವೆ ಮತ್ತು ಕಲುಷಿತ ಆಹಾರ ಮತ್ತು ಪಾನೀಯಗಳ ಮೂಲಕ ಸೇವಿಸಲ್ಪಡುತ್ತವೆ. ಶಿಶುಗಳು ಮತ್ತು ಅಂಬೆಗಾಲಿಡುವ ಮಕ್ಕಳಲ್ಲಿ ಪಿನ್‌ವರ್ಮ್‌ ಸೋಂಕುಗಳು ಹೆಚ್ಚಾಗಿ ಕಂಡುಬರುತ್ತವೆ.
ಕೊಕ್ಕೆ ಹುಳುಗಳು
ಕೊಕ್ಕೆ ಹುಳುಗಳು ಸಾಮಾನ್ಯವಾಗಿ ಕಳಪೆ ನೈರ್ಮಲ್ಯದಿಂದಾಗಿ ಸಂಭವಿಸುತ್ತವೆ. ಇವುಗಳು ಸಣ್ಣ ಪರಾವಲಂಬಿ ಹುಳುಗಳು ಕರುಳಿನ ಗೋಡೆಗಳಿಗೆ ತಮ್ಮನ್ನು ಜೋಡಿಸುತ್ತವೆ. ಕಲುಷಿತ ಮಣ್ಣಿನೊಂದಿಗೆ ಸಂಪರ್ಕಕ್ಕೆ ಬಂದಾಗ ಮಗುವಿಗೆ ಕೊಕ್ಕೆಹುಳು ಸೋಂಕು ಉಂಟಾಗಬಹುದು.
ಹೊಟ್ಟೆಯಲ್ಲಿ ಹುಳುವಿರುವ ಲಕ್ಷಣಗಳು
- ದುರ್ವಾಸನೆ ಬೀರುವ ಮಲ
- ಗುದದ್ವಾರದ ಸುತ್ತ ತುರಿಕೆ
- ಹೊಟ್ಟೆ ನೋವು
- ಆಯಾಸ
- ಅತಿಸಾರ
- ತೂಕ ಇಳಿಕೆ
- ವಾಂತಿ
- ಹಸಿವಾಗದಿರುವುದು
- ನಿದ್ರೆಯ ಕೊರತೆ
- ಕಾಮಾಲೆ
- ಸಿಡುಕುತನ
- ಹೊಟ್ಟೆಯ ತೊಂದರೆ
- ಕರುಳಿನ ಸಮಸ್ಯೆಗಳು
- ಚಡಪಡಿಕೆ ಮತ್ತು ಆತಂಕ
- ಗ್ಯಾಸ್ ಮತ್ತು ಹೊಟ್ಟೆಯುಬ್ಬರ
- ಮಲಬದ್ಧತೆ
ಜಂತು ಹುಳುಗಳ ಸೋಂಕಿಗೆ ಕಾರಣಗಳು
ಶಿಶುಗಳು ಮತ್ತು ಚಿಕ್ಕ ಮಕ್ಕಳು ಹೊರಾಂಗಣದಲ್ಲಿ ತೆವಳುವಾಗ ಅಥವಾ ಆಟವಾಡುವಾಗ ಹುಳುಗಳಿಂದ ಸೋಂಕಿಗೆ ಒಳಗಾಗುವ ಸಾಧ್ಯತೆಯಿದೆ. ಮಕ್ಕಳು ಹುಳುಗಳ ಬೆಳವಣಿಗೆಗೆ ಸಹಾಯ ಮಾಡುವ ಸಾಮಾನ್ಯ ಕಾರಣಗಳೆಂದರೆ.
- ಕಳಪೆ ನೈರ್ಮಲ್ಯ ಅಥವಾ ಶುಚಿತ್ವದ ಕೊರತೆ
- ಸೋಂಕಿತ ಮೇಲ್ಮೈಯೊಂದಿಗೆ ಸಂಪರ್ಕಕ್ಕೆ ಬರುವುದು
- ಸೋಂಕಿತ ಆಹಾರ ಅಥವಾ ನೀರನ್ನು ಸೇವಿಸುವುದು
- ಹಸಿ ಅಥವಾ ಬೇಯಿಸದ ಆಹಾರದ ಬಳಕೆ
- ಕೈಗಳನ್ನು ಸರಿಯಾಗಿ ತೊಳೆಯದೇ ಇರುವುದು
ಸಂಗ್ರಹ : ಎಸ್.ಬಿ ನೆಲ್ಯಾಡಿ
ಮೂಲ: ವಿ ಕೆ
