ಶುಗರ್ ಕಂಟ್ರೋಲ್ ಮಾಡಲು ಸುಲಭ ಯೋಗಾಸನಗಳು

ಮಧುಮೇಹ ಇರುವವರು ತಮ್ಮ ಆರೋಗ್ಯಕ್ಕಾಗಿ ಉತ್ತಮ ಡಯಟ್ ಹೇಗೆ ಹೊಂದುತ್ತೀರಿ ಅದೇ ರೀತಿ ಈ ಯೋಗಾಸನಗಳನ್ನು ಸಹ ಅಭ್ಯಾಸ ಮಾಡಿ

ಬಹಳ ಹಿಂದಿನ ಇತಿಹಾಸ ಇರುವ ಯೋಗಾಸನ ಪ್ರಕ್ರಿಯೆ ನಮ್ಮ ಆರೋಗ್ಯವನ್ನು ಸುಧಾರಿಸುವ ಒಂದು ಅತ್ಯುತ್ತಮ ವಿಧಾನವಾಗಿದೆ. ಮನೆಯಲ್ಲಿ ಯಾರು ಬೇಕಾದರೂ ಯೋಗ ಅಭ್ಯಾಸ ಮಾಡಿ ಆರೋಗ್ಯಕ್ಕೆ ನೈಸರ್ಗಿಕ ಆರೈಕೆ ಮಾಡಿಕೊಳ್ಳಬಹುದು.

ನಿಮ್ಮ ಆರೋಗ್ಯವನ್ನು ಯಾವುದೇ ಕಾಯಿಲೆ ಕಸಾಲೆಗಳಿಂದ ಕಾಪಾಡಿಕೊಳ್ಳಬೇಕಾದರೆ ಔಷಧಿಗಳನ್ನು ತೆಗೆದುಕೊಳ್ಳಬಾರದು ಎಂದಿದ್ದರೆ ಯೋಗಾಸನಗಳನ್ನು ಪ್ರತಿದಿನ ಅಭ್ಯಾಸ ಮಾಡಬಹುದು. ಇದು ನಿಮ್ಮ ದೇಹವನ್ನು ಮತ್ತು ಮನಸ್ಸನ್ನು ಕಂಟ್ರೋಲ್ ಮಾಡುತ್ತದೆ. ಇಲ್ಲಿ ನಿಮ್ಮ ಶುಗರ್ ಕಂಟ್ರೋಲ್ ಮಾಡುವ ಕೆಲವೊಂದು ಸುಲಭ ಯೋಗಾಸನಗಳನ್ನು Yoga expert Devyani M ಅವರು ಹಂಚಿಕೊಂಡಿರುವ ಮಾಹಿತಿಯನ್ನು ನೀಡಿದ್ದೇವೆ, ಮುಂದೆ ಓದಿ..

ತಾಡಾಸನ

ಇಲ್ಲಿ ನೀವು ಮೊದಲು ನೇರವಾಗಿ ಕಾಲುಗಳನ್ನು ಸ್ವಲ್ಪ ಅಂತರದಲ್ಲಿ ಇರಿಸಿ ನಿಂತುಕೊಂಡು ಕೈಗಳನ್ನು ಅಕ್ಕ ಪಕ್ಕ ಇಟ್ಟುಕೊಳ್ಳಿ.
ಈಗ ನಿಧಾನವಾಗಿ ಉಸಿರನ್ನು ತೆಗೆದುಕೊಂಡು ಎರಡು ಕೈಗಳನ್ನು ನಿಮ್ಮ ತಲೆಯ ಮೇಲೆತ್ತಿ ನಿಮ್ಮ ಎರಡು ಅಂಗೈಗಳು ಮೇಲೆ ನೋಡುತ್ತಿರುವ ಹಾಗೆ ಹಿಡಿದುಕೊಂಡು ಬೆರಳುಗಳಿಂದ ಎರಡು ಕೈಗಳನ್ನು ಲಾಕ್ ಮಾಡಿಕೊಳ್ಳಿ.
ಈಗ ಉಸಿರನ್ನು ಹೊರಗೆ ಬಿಡುತ್ತಾ, ನಿಮ್ಮ ಭುಜಗ ಳನ್ನು ಹಿಂಬದಿಗೆ ತಿರುಗಿಸಿ ನಿಮ್ಮ ಬೆನ್ನು ಹುರಿಯನ್ನು ಭಾಗಿಸಿ, ಎದೆ ಉಬ್ಬಿಸಿ.
ಈಗ ಮಾಂಸ ಖಂಡಗಳನ್ನು ವಿಶ್ರಾಂತಿಗೆ ಒಳಪಡಿಸಿ ಸಹಜ ಸ್ಥಿತಿಗೆ ಮರಳಿ ಬನ್ನಿ.

ಜಾನುಶಿರಾಸನ

ಈ ಯೋಗ ಮಾಡಲು ಚೇರ್ ಮೇಲೆ ಕುಳಿತುಕೊಳ್ಳುವ ಹಾಗೆ ಕುಳಿತುಕೊಂಡು ನಿಮ್ಮ ಕಾಲುಗಳನ್ನು ಮುಂಭಾಗಕ್ಕೆ ಚಾಚಿ.
ನಿಮ್ಮ ಬಲಗಡೆ ಮಂಡಿಯನ್ನು ಭಾಗಿಸಿ ಬಲ ಗಾಲನ್ನು ಎಡಗಡೆ ತೊಡೆಯ ಒಳಭಾಗಕ್ಕೆ ಬರುವ ಹಾಗೆ ಇಟ್ಟುಕೊಳ್ಳಿ.
ಈಗ ಉಸಿರನ್ನು ಒಳಗೆ ತೆಗೆದುಕೊಂಡು ನಿಮ್ಮ ಎಡ ಗಡೆ ಪಾದವನ್ನು ನೇರವಾಗಿಸಿ ತೊಡೆಯ ಮೇಲೆ ಒತ್ತಡ ಹಾಕಿ. ಬೆನ್ನು ಹುರಿಯನ್ನು ನೇರವಾಗಿ ಇರಿಸಿಕೊಳ್ಳಿ.
ಈಗ ನಿಧಾನವಾಗಿ ಉಸಿರನ್ನು ಹೊರಗೆ ಬಿಡುತ್ತಾ ನಿಮ್ಮ ಸೊಂಟ ಬಾಗಿಸಿ ನಿಮ್ಮ ಎಡಗಡೆ ಕಾಲಿನ ಕಡೆಗೆ ಮುಂಭಾಗಕ್ಕೆ ಬಾಗಿ. ನಿಮ್ಮ ಎಡಗಡೆ ಪಾದದ ಬಳಿಗೆ ಹೋಗುವ ಹಾಗೆ ಪ್ರಯತ್ನಿಸಿ
ಈ ಭಂಗಿಯನ್ನು 20 ರಿಂದ 30 ಸೆಕೆಂಡುಗಳು ಹಾಗೆ ಇಟ್ಟುಕೊಂಡು ಆನಂತರ ಸಹಜ ಸ್ಥಿತಿಗೆ ಮರಳಿ ಬನ್ನಿ. ನಂತರ ಇನ್ನೊಂದು ಕಾಲಿನ ಮೂಲಕ ಹೀಗೆ ಮಾಡಿ.

ಅರ್ಧ ಉಸ್ತ್ರಾಸನ

ನಿಮ್ಮ ಮಂಡಿಗಳನ್ನು ಬಾಗಿ ಇಟ್ಟುಕೊಂಡು, ನಿಮ್ಮ ಬೆನ್ನು ಹುರಿಯನ್ನು ನೇರವಾಗಿ ಇರಿಸಿಕೊಳ್ಳಿ.
ಈಗ ನಿಧಾನವಾಗಿ ಹಿಂಬದಿಗೆ ಎಡಗಡೆಗೆ ಬರುವಂತೆ ಬಾಗಬೇಕು. ನಿಮ್ಮ ಎಡಗೈ ಅಂಗೈ ಕಾಲಿನ ಮೇಲೆ ಇರಲಿ ಮತ್ತು ನಿಮ್ಮ ಬಲಗೈ 60° ಮೇಲಿರಲಿ.
ಈಗ ಕಮಾನಿನಂತೆ ಬಾಗಿ ಉಸಿರಾಡಿ, ಇದೇ ಭಂಗಿ ಯಲ್ಲಿ ಸ್ವಲ್ಪ ಹೊತ್ತು ಇದ್ದು, ಆನಂತರ ಸಹಜ ಸ್ಥಿತಿಗೆ ಮರಳಿ ಬನ್ನಿ

ಮಾರ್ಜರಿ ಆಸನ

ನಿಮ್ಮ ಮಂಡಿಗಳು ಮತ್ತು ಕೈಗಳ ಮೇಲೆ ನಿಲ್ಲಲು ಪ್ರಯತ್ನಿಸಿ ನಿಮ್ಮ ಭುಜಗಳ ಕೆಳಗೆ ನಿಮ್ಮ ಕೈಗಳ ಮಣಿಕಟ್ಟು ಇರಬೇಕು ಮತ್ತು ನಿಮ್ಮ ಸೊಂಟದ ಕೆಳ ಭಾಗಕ್ಕೆ ಮಂಡಿಗಳು ಇರಬೇಕು.
ಈಗ ಉಸಿರನ್ನು ಒಳಗೆ ತೆಗೆದುಕೊಂಡು ನಿಮ್ಮ ಹೊಟ್ಟೆಯನ್ನು ನೆಲದ ಕಡೆಗೆ ತನ್ನಿ. ನಿಮ್ಮ ಎದೆ ಯನ್ನು ಮತ್ತು ಗಲ್ಲವನ್ನು ಮೇಲೆತ್ತಿ, ನಿಮ್ಮ ದೇಹ ವನ್ನು ಸಹ ಮೇಲೆತ್ತಲು ಪ್ರಯತ್ನಿಸಿ.
ಇದೇ ಭಂಗಿಯಲ್ಲಿ ಸ್ವಲ್ಪ ಹೊತ್ತು ಇದ್ದು ಆನಂತರ ಉಸಿರನ್ನು ಹೊರಗೆ ಬಿಡಿ. ಈಗ ನಿಮ್ಮ ಬೆನ್ನು ಹುರಿಯ ಕಡೆಗೆ ನಿಮ್ಮ ಹೊಟ್ಟೆಯನ್ನು ತಂದು ಹಿಂಬದಿಗೆ ವೃತ್ತಕಾರದಲ್ಲಿ ಇರಲು ಟ್ರೈ ಮಾಡಿ

ಭುಜಂಗಾಸನ

ನಿಮ್ಮ ಭುಜಗಳ ಅಕ್ಕಪಕ್ಕ ಕೈಗಳನ್ನು ಇಟ್ಟು ನೆಲದ ಮೇಲೆ ಮುಖ ಹಾಕಿ ಮಲಗಿಕೊಳ್ಳಿ.
ನಿಮ್ಮ ಎರಡು ಕಾಲುಗಳನ್ನು ಹಿಂದಕ್ಕೆ ಚಾಚಿ ಉಸಿರನ್ನು ಒಳಗೆ ತೆಗೆದುಕೊಂಡು ನಿಮ್ಮ ಮೇಲಿನ ದೇಹವನ್ನು ನಿಧಾನವಾಗಿ ಮೇಲೆತ್ತಿ.
ಈ ಸಂದರ್ಭದಲ್ಲಿ ನಿಮ್ಮ ಸೊಂಟದ ಭಾಗ ಹಾಗೂ ಕಾಲುಗಳು ನೇರವಾಗಿ ನೆಲದ ಮೇಲೆ ಇರಬೇಕು.
ಇದೇ ರೀತಿ 30 ಸೆಕೆಂಡುಗಳು ಇದ್ದು ಆನಂತರ ಸಹಜ ಸ್ಥಿತಿಗೆ ಮರಳಿ ಬನ್ನಿ.

ಅರ್ಧ ಹಾಲಾಸನ

ನೆಲದ ಮೇಲೆ ಆಕಾಶ ನೋಡುತ್ತಾ ನೇರವಾಗಿ ಮಲಗಿ ಕೊಳ್ಳಿ. ನಿಮ್ಮ ಎರಡು ಕೈಗಳನ್ನು ಅಕ್ಕ ಪಕ್ಕ ಇರಿಸಿ ಕೊಳ್ಳಿ.
ಈಗ ನಿಧಾನವಾಗಿ ಉಸಿರನ್ನು ಒಳಗೆ ತೆಗೆದುಕೊಂಡು ನಿಮ್ಮ ಮಂಡಿಗಳನ್ನು ನೇರವಾಗಿ ಇರಿಸಿಕೊಂಡು ನಿಮ್ಮ ಕಾಲುಗಳನ್ನು ನೆಲಕ್ಕೆ 90 ಡಿಗ್ರಿ ಅನ್ವಯವಾಗು ವಂತೆ ಮೇಲೆತ್ತಿ.
ಈಗ ಉಸಿರನ್ನು ಬಿಗಿಹಿಡಿದು ಇದೇ ಭಂಗಿಯಲ್ಲಿ ಸ್ವಲ್ಪ ಹೊತ್ತು ಇರಿ.
ಈಗ ಉಸಿರನ್ನು ಹೊರಗೆ ಬಿಡುತ್ತಾ ನಿಮ್ಮ ಎರಡು ಕಾಲುಗಳನ್ನು ಕೆಳಗೆ ತನ್ನಿ ಮತ್ತು ಸಹಜ ಸ್ಥಿತಿಗೆ ಮರಳಿ ಬನ್ನಿ.

ಸಂಗ್ರಹ : ಎಸ್.ಬಿ ನೆಲ್ಯಾಡಿ

ಮೂಲ: VK