ಮಾಜಂದಿ ಉಡಲ ನೆಂಪು ವೈಶಾಲಿ ಭಂಡಾರಿ, ಬೆಳ್ಳಿಪ್ಪಾಡಿ

ಮಾಜಂದಿ ಉಡಲ ನೆಂಪು

ಅವು ಏತ್ ಪೊರ್ಲು ದುಂಬುದ ಆ ದಿನೊಕುಲು
ಅಜ್ಜ ಅಜ್ಜಿನ ಮಟ್ಟೆಲ್ಡ್ ಕಥೆ ಕೇನೊಂದು
ಬುಲೇಯಿನ ಆ ನೆಂಪು ಮಾಜಂದ್ ಎನ್ನುಡಲ್ಡ್

ಕುಕ್ಕು, ಪೆಲಕಾಯಿನ್ ಮರತಡಿಟೆ ತಿನೊಂದು
ಚಿರಿಪಿರಿ ಬರ್ಸೊಗು, ಕಪ್ಪೆದ ಸರತೊಟ್ಟಿಗೆ
ಉಬೇರ್ ಕಡ್ಪುನ ಗೌಜಿ..

ಜೋಕುಲೊಟ್ಟು ಸೇರೊಂದು
ಕುಟ್ಟಿ ದೊಣ್ಣೆ, ಲಗೋರಿ ಗೊಬ್ಬೊಂದು
ಕೈಕಂಜಿ ಮೇಪಾವುನ ಗಮ್ಮತ್ತ್

ಯೆನೆಲ್ ಸುಗ್ಗಿಡ್ ಕೇನೊಂದಿತ್ತ್ಂಡ್ ಪೊರ್ಲ ಪಾರ್ದನ
ಕೆಸರ ಕಂಡೊಡು ಅಡಪುನ ಆ ದಿಬ್ಬಣ
ಇಲ್ಲ್ ದಿಂಜಾದ್ ಪೊಸ ಅರಿ ಉನ್ಪುನ ಗೌಜಿ

ಇಲ್ಲ್ ನಿಲಿಕೆ ಬತ್ತಿ ಬಿನ್ನೆರ್ ಪರ್ಬದ ದಿನೊಟ್
ಇಲ್ಲ ಜಾಲ್ಡ್ ಬಲೆಕಿ ಮರ ಪಾಡ್ದ್
ಮಾತ ಸೇರ್ದ್ ಲೆಪ್ವೆರ್ ಬಲಿಯೇಂದ್ರನ್

ಊರುದ ಜವನೆರ್ ಜೋಕುಲು ಸೇರೊಂದು
ಆಟ, ಕೋಲ ಪೋಪುನ ಗಮ್ಮತ್ತ್
ಉಂತುದೆ ಪೋಂಡು ಇನಿತ ದಿನೊಟ್

ಬೆನ್ನಿ ಬೆನ್ಪಿನ ಎಡ್ಡೆ ಕಜ್ಜ ನಡತೊಂದಿತ್ತ್ಂಡ್ ತುಳುವೆರೆಡ್ದ್
ದೂರ ಪೋಂಡು ಇಂಚಿತ್ತಿ ಪೊರ್ಲ ಆಚಾರ ವಿಚಾರ
ನಮ್ಮ ತುಳುನಾಡ್‌ರ್ದ್

– Vaishali Bhandary