ಪರಮಾತ್ಮ – ✍ ಅಕ್ಷತಾ ಆರ್ ಭಂಡಾರಿ

ಪದ ಪುಂಜಗಳೇ ಸಿಗುತ್ತಿಲ್ಲ
ನಿನ್ನ ಮಹಿಮೆಯ ವರ್ಣಿಸಲು
ಕಲಾಕುಂಚಗಳೇ ಸಾಲುತ್ತಿಲ್ಲ
ನಿನ್ನ ವರ್ಣನೆಯ ಬಣ್ಣಿಸಲು
ನನ್ನಾತ್ಮದೊಳು ನೀ ಅವಿತಿರುವೆಯೋ
ನಿನ್ನಾತ್ಮದೊಳು ನಾನಿರುವೆನೋ…..
ನಾನಂತೂ ಅರಿಯೇ!!!
ಈ ಭುವಿಯ ಅಂತರಾಳದಲಿ
ನಾ ಹೇಗೆ ಹುಡುಕಲಿ ನಿನ್ನ
ನೀ ಯಾವ ಚರಾ-ಚರದೊಳು
ಲೀನವಾಗಿಹೆಯೋ,
ಇಲ್ಲವೇ ನಾನೇ ನಿನ್ನೊಳಗಿಹನೋ ಪರಮಾತ್ಮ?
ನನ್ನೀ ಆತ್ಮ ಪರಿತಪಿಸುತಿಹುದು
ವಿಲೀನವಾಗಲು ನಿನ್ನೊಳಗೆ
ಈ ಲೀನ -ವಿಲೀನ
ಆತ್ಮ-ಪರಮಾತ್ಮಗಳ
ನಡುವೆಯೇ ಸಾಗುತಿದೆ ಬದುಕು
ಈ ಬದುಕಿನಲ್ಲಿ ನೀ ನೀಡುತಿಹೆ
ವಿಶ್ವರೂಪದರ್ಶನದ ಬೆಳಕು……