ಮಗುವಿಗೆ ವ್ಯಾಕ್ಸಿನೇಷನ್ ಕೊಡಿಸುವಾಗ ಹೆತ್ತವರು ಇದನ್ನು ಗಮನದಲ್ಲಿಟ್ಟುಕೊಳ್ಳಲೇ ಬೇಕು

ಮಕ್ಕಳ ವ್ಯಾಕ್ಸಿನೇಷನ್ ವಿಷ್ಯದಲ್ಲಿ ಹೆತ್ತವರು ಬಹಳ ಜಾಗರೂಕರಾಗಿರಬೇಕು, ಯಾವ ಸಮಯಕ್ಕೆ ಯಾವ ವ್ಯಾಕ್ಸಿನೇಷನ್ ನೀಡಬೇಕು ಎನ್ನುವುದನ್ನು ಸರಿಯಾಗಿ ತಿಳಿದಿರಬೇಕು.

ಮಕ್ಕಳಿರುವವರಿಗೆ ತಿಳಿದಿರುತ್ತದೆ ಮಗುವಿಗೆ ಹುಟ್ಟಿದಾಗಿನಿಂದ ಹಿಡಿದು ಕಾಲಕಾಲಕ್ಕೆ ಎಷ್ಟೆಲ್ಲಾ ವ್ಯಾಕ್ಸಿನೇಷನ್‌ನ್ನು ನೀಡಬೇಕಿದೆ ಎನ್ನುವುದು. ಪ್ರತಿ ಮಗುವಿಗೂ ಸಮಯಕ್ಕೆ ಸರಿಯಾಗಿ ಪ್ರತಿಯೊಂದು ವ್ಯಾಕ್ಸಿನೇಷನ್ ನೀಡುವುದು ಅತ್ಯಗತ್ಯ. ಮಗು ಆರೋಗ್ಯವಾಗಿರಬೇಕಾದರೆ ಮಕ್ಕಳ ವೈದ್ಯರು ತಿಳಿಸಿರುವ ವ್ಯಾಕ್ಸಿನೇಷನ್‌ನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಮಕ್ಕಳಿಗೆ ವ್ಯಾಕ್ಸಿನೇಷನ್ ಕೊಡಿಸುವಲ್ಲಿ ಹೆತ್ತವರ ಪಾತ್ರ ಪ್ರಮುಖವಾಗಿದೆ. ವ್ಯಾಕ್ಸಿನೇಷನ್ ದಿನಾಂಕವನ್ನು ನೆನಪಿನಲ್ಲಿಟ್ಟುಕೊಂಡು ಕೊಡಿಸಬೇಕಾಗುತ್ತದೆ.

ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಸುಧಾರಿಸುತ್ತದೆ

ಈಗಿನ ವ್ಯಾಕ್ಸಿನೇಷನ್‌ಗಳಂತೂ ಸಿಕ್ಕಾಪಟ್ಟೆ ದುಬಾರಿ. ಅದರಲ್ಲೂ ನೋವು ರಹಿತ ಹಾಗೂ ನೋವು ಸಹಿತ ವ್ಯಾಕ್ಸಿನೇಷನ್‌ಗು ಲಭ್ಯವಿದೆ. ಸಾಂಕ್ರಾಮಿಕ ರೋಗಗಳ ವಿರುದ್ಧ ಹೋರಾಡುವ ಪ್ರಯತ್ನದಲ್ಲಿ, ಮಾನವನ ಪ್ರತಿರಕ್ಷೆಯನ್ನು ಸಂವೇದನಾಶೀಲಗೊಳಿಸುವ ಮೂಲಕ ವ್ಯಾಕ್ಸಿನೇಷನ್ ಪ್ರಮುಖ ಪಾತ್ರವನ್ನು ವಹಿಸುತ್ತದೆ.

ವ್ಯಾಕ್ಸಿನೇಷನ್ ಎನ್ನುವುದು ರೋಗಕಾರಕದ ಒಂದು ಭಾಗ ಅಥವಾ ರೋಗಕಾರಕ ಪ್ರಚೋದಿತ ಪ್ರೋಟೀನ್‌ಗಳಿಗೆ ಒಡ್ಡಿಕೊಂಡ ನಂತರ ಮಾನವನ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಸುಧಾರಿಸುವ ಪ್ರಕ್ರಿಯೆಯಾಗಿದೆ

ಸೂಕ್ಷ್ಮಜೀವಿಗಳ ವಿರುದ್ಧ ಹೋರಾಡುತ್ತದೆ

ಪ್ರತಿರಕ್ಷಣಾ ವ್ಯವಸ್ಥೆಯು ರೋಗಕಾರಕದ ವಿರುದ್ಧ ಪ್ರತಿಕಾಯಗಳು ಮತ್ತು ಮೆಮೊರಿ ಕೋಶಗಳನ್ನು ಉತ್ಪಾದಿಸುತ್ತದೆ ಮತ್ತು ರೋಗವನ್ನು ಉಂಟುಮಾಡುವ ಸೂಕ್ಷ್ಮಜೀವಿಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.

ಮಕ್ಕಳು ಹಲವಾರು ರೋಗಗಳಿಗೆ ಒಡ್ಡಿಕೊಳ್ಳುತ್ತಾರೆ ಮತ್ತು ಬಾಲ್ಯದಲ್ಲಿಯೇ ಪ್ರತಿರಕ್ಷಣೆಯು ಬಲವಾದ ರಕ್ಷಣಾತ್ಮಕ ಪ್ರತಿಕ್ರಿಯೆ, ಪರಿಣಾಮಕಾರಿತ್ವ ಮತ್ತು ರಕ್ಷಣೆಯ ಅವಧಿಯನ್ನು ಒದಗಿಸುತ್ತದೆ.