ಸಾಧಿತ ಭಂಡಾರಿ – 5

•  ತುಳುನಾಡು, ಮಲೆನಾಡು, ಬೆಂಗಳೂರು, ಮುಂಬೈ, ದುಬೈ ಇಲ್ಲೆಲ್ಲಾ ದಿನಕರ ಭಂಡಾರಿಯವರ ಹೆಸರು ತುಳುನಾಟಕ ರಂಗ ಪ್ರೇಮಿಗಳಿಗೆ ಚಿರಪರಿಚಿತ. ಹಬ್ಬ ಹರಿದಿನಗಳು , ಉತ್ಸವಗಳು ಆರಂಭವಾಯಿತೆಂದರೆ ಸಾಕು ದಿನಕರಣ್ಣ ಬ್ಯುಸಿಯಾಗುತ್ತಾರೆ ಎಂಬ ಮಾತಿದೆ . ಹೇಗಿದೆ ಸರ್ ನಿಮ್ಮ ಕಲಾ ಬದುಕು? 

• ನೀವು ಬರೆದ ನಿಮ್ಮ ಅಚ್ಚುಮೆಚ್ಚಿನ ನಾಟಕ ಯಾವುದು? 

• ನೀವು ಅಭಿನಯಿಸಿದ ಅಚ್ಚುಮೆಚ್ಚಿನ ಪಾತ್ರಗಳು ಮತ್ತು ಅವುಗಳಲ್ಲಿ ಮರೆಯಲಾಗದ ಪಾತ್ರ.

•  ನಿಮ್ಮ ಕಲಾಬದುಕಿನಲ್ಲಿ ಅತಿಥಿ ಕಲಾವಿದರು/ಮೇರು ಕಲಾವಿದರೊಂದಿಗೆ ನಟಿಸಿದ ಬಗ್ಗೆ  ತಿಳಿಸಿ.

•   ಕಲಾಸೇವೆಯಲ್ಲಿ ಅತಿ ಹೆಚ್ಚು ಸಂತೃಪ್ತಿ ಸಿಗುವ ಕ್ಷಣ ಯಾವುದು?

•  ತುಳು ನಾಟಕರಂಗ ನಿಮಗೇನು ನೀಡಿದೆ?

•  ನೀವು ಬಾಲ್ಯದಿಂದಲೇ ತುಳುನಾಟಕರಂಗಕ್ಕೆ ಕಾಲಿಟ್ಟಿರುವಿರಿ ಎಂದು ತಿಳಿಯಿತು. ಹೇಗಿತ್ತು ಬಾಲ್ಯದ ಬದುಕು ? 

•  ತಂದೆ ತಾಯಿಗಳ ಬಗ್ಗೆ ಒಂದಿಷ್ಟು ಹೇಳಬಹುದೇ? ಮತ್ತು ನಿಮ್ಮ ಪ್ರತಿಭೆಗೆ ಅವರ ಪ್ರೊತ್ಸಾಹ ಹೇಗಿತ್ತು?

•  ನಿಮ್ಮ ಪ್ರತಿಭೆಯನ್ನು ಬೆಳೆಸಿದ ಗುರುಗಳು ಯಾರು? 

•  ತುಳುನಾಟಕ  ರಚನೆಯ ಆಸಕ್ತಿ ಆರಂಭವಾಗಿದ್ದು ಯಾವಾಗ ? ಮೊದಲ ಪ್ರಯತ್ನ ಹೇಗಿತ್ತು? 

DBK: ಬಾಲ್ಯದಿಂದಲೇ ನಾಟಕ ರಚನೆಯಲ್ಲಿ ಆಸಕ್ತಿ ಇತ್ತು ಪ್ರಹಸನಗಳನ್ನು ಬರೆಯುತ್ತಿದ್ದೆ. ನಾಟಕಗಳ ರಚನೆಯಲ್ಲಿ ಮೊದಲ‌ ಪ್ರಯತ್ನದಲ್ಲೆ ಸಫಲನಾದೆ. ದೇವರ ದಯೆಯಿಂದ ಏಳುಮಾತ್ರ ಬೀಳು ಇಲ್ಲ. ಕೆಲವೊಮ್ಮೆ Script  ಸ್ವಲ್ಪ ಗೊಂದಲ ಅಥವಾ ಸರಿಯಿಲ್ಲವೆನಿಸಿವುದಿದೆ ಹೀಗಾದಾಗ ಇನ್ನೊಮ್ಮೆ ಸರಿಪಡಿಸಿ ಬರೆಯುತ್ತಿದ್ದೆ.

•  ನಿಮ್ಮ ಸಾಮಾಜಿಕ ನಾಟಕ ರಚನೆಯಲ್ಲಿ ಹೆಚ್ಚು ಯಾವುದಕ್ಕೆ ಆಧ್ಯತೆ ನೀಡುತ್ತೀರಿ? 

DBK: ಹಾಸ್ಯ (ಕಾಮಿಡಿ)ಕ್ಕೆ ಮೊದಲ ಆಧ್ಯತೆ , ಪ್ರೇಮ ಪ್ರಣಯ ಮತ್ತು ಕೌಟುಂಬಿಕ ವಿಚಾರ ಸಾಮಾನ್ಯ ಆದ್ಯತೆಯಾಗಿರುತ್ತದೆ. 

 

•  ನಿಮ್ಮ ವೃತ್ತಿ ಬದುಕಿನ ಬಗ್ಗೆ ಒಂದಿಷ್ಟು ತಿಳಿಸಿ.

DBK: ಮುಂಬೈಯಲ್ಲಿ ಕೆಲಸ ಮಾಡುತ್ತಿದ್ದ ನಾನು ನಂತರ ಅಂದರೆ 19 ವರ್ಷದ  ಊರಿಗೆ ಬಂದು ಉಡುಪಿ ತಾಲೂಕಿನ ಮೂಡುಬೆಳ್ಳೆಯ ನಾಲ್ಕುಬೀದಿಯಲ್ಲಿ ಸೆಲೂನ್ ಆರಂಬಿಸಿದೆ. ಈಗ ಹೇರ್ ಡ್ರೆಸ್ಸಿಂಗ್ ನನ್ನ ಪ್ರಮುಖ ವೃತ್ತಿಯಾಗಿದೆ.

• ಕ್ಷೌರಿಕ ವೃತ್ತಿಯೊಂದಿಗೆ ನಾಟಕ ರಚನೆಕಾರನಾಗಿ ನಿರ್ದೇಶಕನಾಗಿ, ನಟನಾಗಿ ದಿನಕರ ಭಂಡಾರಿಯವರ ದಿನಚರಿ ಹೇಗಿದೆ? 

DBK: ಬೆಳಗ್ಗೆ ಬೇಗ ಎದ್ದು ಯೋಗ ಮಾಡಿ , ನಿತ್ಯಕರ್ಮಗಳನ್ನು ಮುಗಿಸಿ ನಂತರ ಸೆಲೂನ್ ಅಂಗಡಿಯಲ್ಲಿ ಕೆಲಸ ಆರಂಭಿಸುತ್ತೇನೆ. ಕೆಲಸದ ಬಿಡುವಿನ ವೇಳೆಯಲ್ಲೂ ನಾನು ನಾಟಕ ರಚನೆ ಅಥವಾ ಅದಕ್ಕೆ ಸಂಬಂಧಿಸಿದ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುತ್ತೇನೆ. ರಾತ್ರಿ 8 ಗಂಟೆಗೆ ಅಂಗಡಿಗೆ ಬಾಗಿಲು ಹಾಕಿ ಮನೆಗೆ ಬಂದು ನಾಟಕ ಇದ್ದರೆ ನಾಟಕ ನಡೆಯುವ ಸ್ಥಳಕ್ಕೆ ತೆರಳುತ್ತೇನೆ. ಕೆಲವೊಮ್ಮೆ ಒತ್ತಡ ಎನಿಸಿದರೂ ಸರಿದೂಗಿಸುತ್ತಾ ಇದೇ ದಿನಚರಿಯನ್ನು ಪಾಲಿಸುತ್ತೇನೆ.

•  ನಿಮ್ಮ ಇತರ ಹವ್ಯಾಸಗಳೇನು?

DBK: ರಜಾದಿನಗಳಲ್ಲಿ ತುಳು ಸಿನಿಮಾ ವೀಕ್ಷಣೆ ಮತ್ತು ಮಕ್ಕಳ ಜೊತೆ ಕ್ರಿಕೆಟ್ ಆಟ. 

• ನಿಮ್ಮ ಈ ಎಲ್ಲ ಸಾಧನೆಗಳಿಗೆ ಬೆಂಬಲವಾಗಿರುವ ಮುಖ್ಯ ವ್ಯಕ್ತಿ ಯಾರು? ಮುಖ್ಯ ಪ್ರೇರಣೆ ಯಾರು?

DBK: ನನ್ನ ಪತ್ನಿ ಮತ್ತು ನನ್ನ ಗೆಳೆಯರು.

•  ದಿನಕರ ಭಂಡಾರಿಯವರು ವಿವಾಹಿತರು ಎಂದು ತಿಳಿಯಪಟ್ಟೆ. ಹೇಗಿದೆ ದಾಂಪತ್ಯ ಜೀವನ. ಹೆಂಡತಿ ಮಕ್ಕಳ ಬಗ್ಗೆ .. ಅವರ ಕಲಾ ಆಸಕ್ತಿ ಹವ್ಯಾಸ ಮತ್ತು ಪ್ರೋತ್ಸಾಹದ ಬಗ್ಗೆ

•  ತುಳು ನಾಟಕ ರಂಗದ ದಿಗ್ಗಜರಲ್ಲಿ ಯಾರ ಸ್ನೇಹ ಸಂಪಾಧಿಸಿದ್ದೀರಿ?

DBK: ತುಳು ನಾಟಕರಂಗದ ಎಲ್ಲ ಕಲಾವಿದರೂ ನನಗೆ ಚಿರಪರಿಚಿತರು. ಚಿತ್ರನಟ ಸಂದೀಪ್ ಶೆಟ್ಟಿಯವರು ನನ್ನ ಶಿಷ್ಯ. ನಾನು ಬರೆದ ನಾಟಕ ಅವನ ಕಲಾಜೀವನದ ಮೊದಲ ನಾಟಕ. ಬಲೆ ತೆಲಿಪಾಲೆ ಖ್ಯಾತಿಯ ಚಿತ್ರನಟ ಸಂದೀಪ್ ಶೆಟ್ಟಿ ಬೈಲೂರು ನನ್ನ ಬಾಲ್ಯ ಸ್ನೇಹಿತ. ಈಗಲೂ ಸ್ನೇಹಿತರಾಗಿಯೇ ಇದ್ದೇವೆ. ಇನ್ನೊಬ್ಬ ನಾಟಕ ಕಲಾವಿದ ಮತ್ತು ಚಿತ್ರನಟ ಉಮೇಶ್ ಮಿಜಾರ್ ಬಹಳ ಆತ್ಮೀಯರು. 

•  ತುಳುನಾಟಕರಂಗದ ಬಗ್ಗೆ ನಿಮ್ಮ ಅಭಿಪ್ರಾಯಗಳು . ಬದುಕು ನೀಡಬಲ್ಲದೇ?

DBK: ತುಳು ನಾಟಕರಂಗ ಈಗ ಹವ್ಯಾಸಿ ಕಲಾವಿದರನ್ನು ಅವಲಂಬಿಸಿದೆ. ನಾಟಕವನ್ನೆ ನಂಬಿ ಜೀವನ ನಡೆಸಲೂ‌ ಸಾಧ್ಯವಿಲ್ಲ. ಜೀವನೋಪಯೋಗಕ್ಕಾಗಿ ಬೇರೆ ಉದ್ಯೋಗ ಬೇಕೇ ಬೇಕು. 

•  ತುಳು ನಾಟಕರಂಗದ ನೂನ್ಯತೆಗಳು?

DBK: ಮೇಲ್ನೊಟಕ್ಕೆ ಎಲ್ಲ‌ ಸರಿಯಾಗಿ ಕಂಡರೂ ಒಳಗಿಂದೊಳಗೆ ಒಬ್ಬರನ್ನು ಕಂಡರೆ ಇನ್ನೊಬ್ಬರಿಗಾಗದು ಸಮನ್ವಯದ ಕೊರತೆ ತುಳು ನಾಟಕರಂಗದ ನೂನ್ಯತೆಯಾಗಿದೆ. 

•  ತುಳುನಾಟಕ ರಂಗಕ್ಕೆ ನಿಮ್ಮ ಸಲಹೆಗಳೇನು?

DBK: ತುಳುನಾಟಕರಂಗದ ಕಲಾವಿದರು ಚಿತ್ರರಂಗದಲ್ಲಿ ಅವಕಾಶ ಸಿಕ್ಕ ಕ್ಷಣ ನಾಟಕರಂಗದಿಂದ ವಿಮುಖರಾಗಬಾರದು ತುಳು ನಾಟಕರಂಗವನ್ನು ಬೆಳೆಸಬೇಕು. 

•  ತುಳು ನಾಟಕರಂಗಕ್ಕೆ ಸರ್ಕಾರದ ಪ್ರೋತ್ಸಾಹ ಇದೆಯೇ?

DBK: ಕನ್ನಡ ನಾಟಕರಂಗಕ್ಕೆ ಇರುವಷ್ಟು ಪ್ರೋತ್ಸಾಹ ತುಳು ನಾಟಕ ಕಲಾವಿದರಿಗೆ ಅಥವಾ ಕಲಾರಂಗಕ್ಕೆ ಇಲ್ಲದಿರುವುದು ಬೇಸರದ ಸಂಗತಿ.

•  ತುಳುನಾಟಕ ರಂಗಕ್ಕೆ ತುಳುವರ ಪ್ರೋತ್ಸಾಹ ಇದೆಯೇ? 

DBK: ತುಳುನಾಡಿನಲ್ಲಿ ಸರ್ವ ಧರ್ಮದ ಸಹೃದಯಿ ಕಲಾಭಿಮಾನಿಗಳು ತುಳುನಾಟಕಗಳನ್ನು ಪ್ರೋತ್ಸಾಹಿಸುತ್ತಿದ್ದಾರೆ.

• ಮಧ್ಯರಾತ್ರಿ ನಂತರ ನಡೆಯುವ ನಾಟಕಗಳಿಗೆ ಪ್ರೇಕ್ಷಕರ ಕೊರತೆಯಿದೆಯೇ?

DBK: ನಗರ ಪ್ರದೇಶಗಳಲ್ಲಿ ಪ್ರೇಕ್ಷಕರ ಕೊರತೆಯಿಲ್ಲ. ಗ್ರಾಮೀಣಪ್ರದೇಶಗಳಲ್ಲಿ ಕೆಲವು ಕಡೆ ಸ್ವಲ್ಪ ಪ್ರೇಕ್ಷಕರ ಕೊರತೆ ಕಂಡು ಬರುತಿದೆ. 

•   ತುಳು ನಾಟಕ ರಂಗ ತುಳು ಸಿನಿಮಾರಂಗಕ್ಕೆ ಕಾಲಿಡಲು ಒಂದು ಪ್ರಯೋಗಶಾಲೆ ಎಂಬ ಮಾತು ತುಳುಚಿತ್ರರಂಗದ ವಿಶ್ಲೇಷಕರ ವಾದ . ಇದು ನಿಜವೇ?

DBK: ಖಂಡಿತವಾಗಿಯೂ ನಿಜ.

•  ನಿಮಗೆ ಈವರೆಗೆ ಸಿನಿಮಾದಲ್ಲಿ ನಟಿಸುವ ಅವಕಾಶ ಸಿಕ್ಕಿದೆಯೇ?

DBK: ಅವಕಾಶಕ್ಕಾಗಿ ಅರಸಿ ಎಂದೂ ಹೋಗಿಲ್ಲ. ವೈಯಕ್ತಿಕ ಕಾರಣಗಳಿಂದಾಗಿ ಈ ಬಗ್ಗೆ ಇನ್ನು ಯೋಚಿಸಿಲ್ಲ. 

•  ಸಿನಿಮಾರಂಗದಲ್ಲಿ ಅತಿ ಹೆಚ್ಚು ಆಸಕ್ತಿ ಹೊಂದಿರುವ ಕ್ಷೇತ್ರ ಯಾವುದು?  

DBK: ನಟನೆ.

•   ನಿಮಗೆ ಒಲಿದು ಬಂದಿರುವ ಪ್ರಶಸ್ತಿ ಮತ್ತು ಸನ್ಮಾನಗಳ ಬಗ್ಗೆ ತಿಳಿಸಿ.

DBK: ‘ಕಥೆತ ಬೀರೆ’ , ‘ಕಲಾಸಿಂಧು’ ಎಂಬ ಎರಡು ಬಿರುದು ಸಿಕ್ಕಿರುವುದರ ಜೊತೆಗೆ ಮುನ್ನೂರಕ್ಕೂ ಅಧಿಕ ಕಡೆಗಳಲ್ಲಿ ಸನ್ಮಾನಗಳು ನಡೆದಿದೆ. ಎಲ್ಲ ಸಮಾಜದ ಬಂಧುಗಳಿಂದ ಗೌರವಿಸಲ್ಪಟ್ಟಿದ್ದೇನೆ. 

 

•   ಭಂಡಾರಿ ಸಮಾಜದ ಬಗೆಗಿನ ನಿಮ್ಮ ಕಳಕಳಿ ಏನು? ಸ್ವತಃ ಕ್ಷೌರಿಕರಾಗಿ ನಿಮಗೆ ಕ್ಷೌರಿಕರ ಕಷ್ಟಗಳ ಬಗ್ಗೆ ವಿವರಿಸಬೇಕಿಲ್ಲ. ನಿಮ್ಮ ಅಭಿಪ್ರಾಯವೇನು?

DBK: ಭಂಡಾರಿಗಳು ಅಥವಾ ಕ್ಷೌರಿಕರೆಂಬ ಕೀಳರಿಮೆ ಬೇಡ. ಹಿಂದಿನ ಕಾಲದಲ್ಲಿದ್ದ ಕೀಳುಭಾವನೆ ಈಗ ಇಲ್ಲ. ಎಲ್ಲ ವೃತ್ತಿಗಳ ಜೊತೆ ನಮ್ಮ ವೃತ್ತಿಗೂ ಸಮಾನಾಗಿ ಪ್ರಾಮುಖ್ಯತೆಯಿದೆ. ಬೇಸರದ ಸಂಗತಿಯೆಂದರೆ ಭಂಡಾರಿ ಯುವಕರು ಕೀಳರಿಮೆಯಿಂದ  ವೃತ್ತಿಯ ಕಡೆ ಮುಖಮಾಡದೇ ಇರುವ ಪರಿಣಾಮ ಹೊರರಾಜ್ಯದ ಕ್ಷೌರಿಕರ ಸಂಖ್ಯೆ ದಿನದಿನೇ ಬೆಳೆಯುತಿದೆ.