ತಿಬಿಲೆ

ಆತ್ಮ ಪನ್ಪಿನ ತಿಬಿಲೆ ಪೊತ್ತಲೆ, ಅವುಸ ಎಣ್ಣೆನ್ ಮೈಪುಲೆ ॥
ಎಣ್ಣೆ ಮುಗಿನಗ ತುಡರ್ ತೆಕ್ಕುಂಡು । ಮಣ್ಣ್ ದಾರುಣ ಮುಗಿಪುಂಡು ॥ಪ॥

ಮಲ್ಲದಿಗೆ ಭಾಗ್ಯೋನುವೆ ಬಯಕುನ । ಇಲ್ಲ್ ಡೇನುಲ್ಲೆನ್ಯಡೆ ।
ಬೊಲ್ಲ ಬರ್ಸೊಗು ಕರದ್ ಪೋವುಯೆ । ಉಳ್ಳಯನ ಈ ಬದಕ್ ಡೆ ॥೧॥

ಸತ್ಯ ಧರ್ಮೋಗು ಒರಿವು ಬಾಳುವೆ । ಬಣ್ಣಗುಂದುಜಿ ಲೋಕೊಡು ।
ಪೊಣ್ಣು ಮಣ್ಣ್ ಗ್ ಪೊಂರ್ಬು ಬದ್ ಕಡ ನ್ನಿನ್ನತನ ಈ ಒರಿಪೊಡು ॥೨॥

ದುಡ್ಡು ಬಂಗಾರವೆನೆ ಕೌಂತುದು ನಿದ್ರೆ ಮನ್ಪಂದೆ ಪುರೆಳುವ।
ಕಡ್ಡಿಯಂದಿನ ಪಾಸಬಲ್ಲ್ ಗ್ ಯೆಮೆನೆ ಉಂತ್ಯೆಡ ನರೆಳುವ ॥೩॥

ಸೈನ್ಯ ಗೊರಿಯೆ ನಿನ್ನ ಒಟ್ಟುಗು ಬೊಲ್ದು ಒರ್ಬಡಿ ಮಾತ್ರೊನೆ ।
ನೀರ್ ದಾಂತೆನೆ ಪಿದಡುಕಾಲೊನು ಮಸಣಜಟ್ಟದ ಪಯಣೊನೆ ॥೪॥

ಬರೆತಿನಾರ್ : ✍🏻 ದಿವಂಗತ ಕೆ ಅನಂತರಾಮ ಬಂಗಾಡಿ