ಮಂಗಳೂರು ತಾಲೂಕು ಉಳ್ಳಾಲ ಶ್ರೀ ದಿವಂಗತ ಮುಂಡಪ್ಪ ಭಂಡಾರಿ ಮತ್ತು ಶ್ರೀಮತಿ ದೇಜು ಭಂಡಾರಿ ದಂಪತಿಯ ಪುತ್ರ ಬೆಂಗಳೂರು ಜಾಲಹಳ್ಳಿ ಸಮೀಪದ ಗಂಗಮ್ಮ ಸರ್ಕಲ್ ಬಳಿಯ ಅಪಾರ್ಟ್ಮೆಂಟ್ ನ ಶ್ರೀ ವಿ.ಸಿ.ಶೇಖರ್ ಭಂಡಾರಿ (90 ವರ್ಷ) ಯವರು ಜುಲೈ 24 ರ ಶುಕ್ರವಾರದಂದು ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾದರು.
ಭಂಡಾರಿ ಸಮಾಜದ ಕೊಡುಗೈ ದಾನಿಯಾಗಿ ಗುರುತಿಸಿಕೊಂಡಿರುವ ಇವರು ಕಚ್ಚೂರು ಶ್ರೀ ನಾಗೇಶ್ವರ ದೇವಸ್ಥಾನದಲ್ಲಿ ಬೆಂಗಳೂರು ವಲಯದ ಉಸ್ತುವಾರಿಯಲ್ಲಿ ನಡೆಯುವ ಉತ್ಸವದ ದಿನದಂದು ನಡೆಯುವ ಅನ್ನ ಸಂತರ್ಪಣೆಗೆ ಇವರ ತಂದೆ ತಾಯಿ ಹೆಸರಿನಲ್ಲಿ ಶಾಶ್ವತ ನಿಧಿಯೊಂದನ್ನು ದೇಣಿಗೆ ನೀಡಿ ಬೆಂಗಳೂರು ಭಂಡಾರಿ ಸಮಾಜ ಸಂಘದ ಉಸ್ತುವಾರಿಯಲ್ಲಿ ನಡೆಯುವ ವಾರ್ಷಿಕ ಉತ್ಸವದ ದಿನದ ಅನ್ನ ಸಂತರ್ಪಣೆಯ ಶಾಶ್ವತ ದಾನಿಯಾಗಿದ್ದಾರೆ ಹಾಗೂ ಸಂಘದ ಸದಸ್ಯರಾಗಿ ಸೇವೆ ಸಲ್ಲಿಸಿದ್ದಾರೆ.
ಶ್ರೀಮತಿ ಚಂದ್ರಾವತಿ ಶೇಖರ್ ಭಂಡಾರಿ ಪತ್ನಿ ಶ್ರೀ ರಾಜೇಶ್ ಪುತ್ರ ಮತ್ತು ಸಹೋದರಿ ಶ್ರೀಮತಿ ಭವಾನಿ ಹಾಗೂ ಕುಟುಂಬ ವರ್ಗವನ್ನು ಅಗಲಿದ್ದಾರೆ
ವಿ.ಸಿ. ಶೇಖರ್ ಭಂಡಾರಿ ಯವರ ಪತ್ನಿ ಮತ್ತು ಪುತ್ರ ಹಾಗೂ ಕುಟುಂಬಸ್ಥರಿಗೆ ಅಗಲುವಿಕೆಯ ಶಕ್ತಿಯನ್ನು ಭಗವಂತನು ದಯಪಾಲಿಸಲಿ ಎಂದು ಭಂಡಾರಿ ಕುಟುಂಬದ ಮನೆ ಮನದ ಮಾತು ಭಂಡಾರಿ ವಾರ್ತೆಯ ಪ್ರಾರ್ಥನೆ,
-ಭಂಡಾರಿ ವಾರ್ತೆ
